ياا صبااح الفل والورد ويامساء الجوري ع الحلوين
بسم الله نبدأ
الجمال يختلف من شخص لشخص ،،
ومقاييسه متفاوته وتصدقون ان الجمال يعتمد على الوراثة ؟؟!
دايم لو تلاحظون ان أفراد العايلة الوحده
أذواقهم متشابهه ، حتى لو كان فيه اختلاف بسيط ،
بعكس لو رحتي عن عائله ما تعرفينهم بتنصدمين
الشيء اللي انتي تشوفينه حلو هم يشوفونه شين ، يعني المسأله مو فلان ماعنده ذوق !
فما يحتاج منا نتلاسن ونخسر بعض عشان اختلاف رأينا وأذواقناا ..
وبرضو الأذواق تختلف باختلاف المظهر ،،
فيه عوامل كثيره تحدد الذوق والجمال ،،
فيه عبارة تعجبني وأعتبرها حكمه في حياتي
" الجمال ليش خاصية في ذات الأشياء ، إنما في العقل الذي يتأملها "
العناية بشعرك ..
بداية " النظافة الشخصية " حافظي على نظافة شعرك حتى تمنعي التساقط .
دلكي فروة رآسك واعملي لنفسك مساج مره في الأسبوع لا تكثرين من المساج اذا كان شعرك دهني لانك كذا تحفزين الغدد اللي تفرز الدهون ويصير شعرك دهني أكثر أما اذا كان شعرك جاف اعملي تدليك ثلاث مرات في الاسبوع ..
اذا كان شعرك مصبوغ لا تستخدمين الزيوت ابدا وامحيه من قاموسك ، لان الزيوت فيها مواد تتفاعل مع الصبغه وتكسر الشعر ،، واستخدمي بديل الزيت أو ماسك للشعر ..
الصبغه تعتبر قرار في حياتك مثل أي قرار تغيير في نفسك لازم تختارين الأنسب لك بعناية
ولاتقلدين شوفي اللي يناسبك ويناسب بشرتك ..
التغذية تنعكس على شعرك ، اذا كان غذائك متوازن يصير عندك أجمل شعر ،، أما اذا كان غذائك مشبع بالدهون أكيد هالشيء رح يظهر في شعرك أما اذا غذائك بدون فوائد مثل الشيبسات والبيبسي فما رح تلقين فائده وشعرك يصير لونه باهت وجاف ..
اربطي شعرك ولا تخلينه مفتوح ، لانه رح يتعرض لعوامل التكسر والتقصف والاحتكاك بالملابس وغيرها ..
اذا غسلتي شعرك استخدمي مرطب أو كريم بكمية قليلة جدا ، لانك لو كثرتي بيطلع لك دهني ومتشابك..
مشطي شعرك بالمشط الواسع أو الفرشاه .
نوعية شعرك ..~
الشعرر الخشن..
غالبا ما يكون هالشعر قصير وما يطول بسرعه
هالنوعيه مثالية للبكلات
وتكون جافه ولازم تكونين حذره في استخدام السيراميك أو الفير
لانه جاف جدا وما فيه دهون كافيه
وممكن تحرقينه وانتي ماتلاحظين
يحتاج عنايه خاصه وشامبوهات مخصصه
وبلسم منعم ومكيف للشعر
يصير الشعر حلو في الجو الجاف جدا
الشعر السميك والممووج..
تموجاته أخف وأنعم
حلاته هالنوع اذا كان مفتوح
بس في الرطوبة ينكش ويطلع شكله بشع
قبل السيشوار استخدمي السيروم ومثبت الشعر
الدهني
تقدرين تغسلين شعرك بدون شامبو
لانه ناعم وجاف تقريبا وما يتوسخ بسرعه
يطلع شكله جميل في الجو البارد والجاف
الشعر المجعد..
الكل يتمنى هالنوع من الشعر لان تموجاته
جميله جدا،
بس هو صراحه متعب في التمشيط
والغسل
يصير مجعد اذا لامس الماء او الرطوبة
كل التسريحات تصير أنيقة وجميلة جدا
اذا نعمتيه ما تقدرين تحافظين على شكله بدون مستحضرات السيروم
الكريمات تعطي منظر الشعر شكل أجمل
ما يحتاج غسل الشعر كل يوم لأنه جاف